مش هتقدر تغمض عنيك

[size=18]ليه الفراعنه كانوا عيال
............ عشان كانوا بيرسموا عالحيطه

طب ليه ابو الهول كان وشه اصفر
......... من خوفو

طب اتنين فراعنه قعدوا عالفهوه هايطلبوا ايه ؟؟
...... اتنين اااااامون و حجر رشيد لايت

واحد ماشي في الشارع و لابس كوتشي ابيض ليه ؟؟
........... عشان ماشي مع الطقم

واحد بلديتنا واقف قدام المرايا و مغمض عنيه ليه ؟؟
............ ......... ..... بيشوف شكله و هو نايم

مهندس كمبيوتر، حلل دمه، طلعت فصيلته
.......... HB

لية السمك بيخاف من الجنية....؟!
علشان الجنية فية 100 قرش.

خمسه صعايده قاعدين في اوضه كل يوم يخرج واحد ليه
...... بيلعبوا ستار ميكر

قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟

ايه وجه الشبه بين البطيخ و الشمام
....... الاتنين اجازه الحلاقين

حاجه صغيره و لونها احمر و بتاكل الزلط
.......... بنت الحاجه الكبيره اللي لونها احمر و بتاكل الزلط

طب حاجه لونها اسود و بتاكل الزلط.
........ ظل الحاجه الصغيره اللي لونها احمر وبتاكل الزلط

ليه الفراعنه ريحه بقهم حلوه
.......... عشان كان عندهم ابو الهولز

طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
........ نجيب الحاجه الحمرا الصغيره اللي بتاكل الزلط و نحطها في الازازه

أقول لك على حاجة تصدمك ……
أوتوبيس

- ما هو الفرق بين الكذب و الكلب؟ …
الكذب مالوش رجلين لكن الكلب ليه

- ما هو وجه الشبه بين الغسالة و التلفزيون؟ … ا
لاثنين بيشتغلوا بأريال

ما هو وجه الشبه بين مترو الأنفاق و عود القصب
الاثنين بيعدوا على المعصرة

- ليه القطن مش هايدخل النار؟
عشان مدام نظيفة قالت القطنة ما بتكدبش

- المصري هو اللي بنى الأهرامات أمال الياباني بنى إيه؟… بناسونيك ها ها هاي

- أقولك على حاجة تجرحك
موس

- وجه الشبه بين فيفي عبده و البيبسى
دي غازية و دي غازية

- ما هو الحيوان الصغير آكل الزلط ؟
هو أخو الحيوان الكبير آكل الزلط

- ما هو الفرق بين الوزة و البطة ؟
الوزة كانت بطة بس الشيطان وزها

- حاجة بتعوم على المية و أولها حرف الخاء تبقى إيه
خشبة

- حاجة بتعوم على المية و أولها حرف الحاء تبقى إيه
حتة خشبة

- حاجة بتعوم على المية و أولها حرف الباء تبقى إيه ؟
برضة حتة خشبة

ايه اكتر حيوان مبيعرفش يستخبى ؟
الثعبان بان بان بان بان بان
=========================================
ايه اكتر حيوان حظه وحش ؟
القطة علشان بتخربش كتير و عمرها ما كسبت
========================================
طيب ايه اكتر حيوان بيسمع اغاني اجنبي ؟
الغراب راب راب راب راب راب
=======================================
طيب ايه اكتر حيوان بيسيح في الحر ؟
تمساح ساح ساح ساح ساح
===========================

ليه مفيش ماتشات بتتلعب يوم الجمعة ؟
علشان الكورة مع دريم
==========================================
ليه مفيش ماتشات بتتلعب يوم السبت ؟
علشان إعادة الكورة مع دريم
==========================================
ليه الصعيدي بيحب يتصور جنب الأهرامات ؟
علشان يطلع في الشلن
=========================================
-سمعت نكتة الأسانسير ؟
- لأ
- يبقى اكيد كنت طالع على السلم
=========================================
إزاي نحط فيل في كباية من غير ما يلمسوا بعض ؟
نحط بينهم فيل تالت .
=========================================
مرة واحد و لم يمر الآخر
=========================================
حاجة سودة و ب 3 رجول و في الصحراء ؟
بيانو
========================================
واحد عنده 100 عيل و عايز يجيب عربيه تقضيهم .. يجيب ايه ؟
ميتسوبيشي طبعا ً ... و يدي كل واحد سوبشيايا .. [ميتسوبيشي = 100 سوبيشي ]
========================================
ليه Emniem بيركب الميكروباص ؟؟
علشان مش معاه غير 50 Cent
========================================
ليه البني آدم مش ببذر ؟؟
علشان بصرة
========================================

لو عندك تفاحة حمراء (امريكاني) و تفاحة خضراء (بلدي) و عايزهم يبقوا نفس اللون تعمل ايه ؟
تقشرهم

ندخل على النكت بقى
هو انا هتيتتتتتتت لوحدى

أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون

ــــــــــــــــــــــــــــــــــــــــــــــــــ ــــــــــــــــــــــــــــــــــــــ
واحد راح لطبيب نفسانى وقاله "مشكلتى يادكتور انى باحس ان الناس كلها مش طايقانى ومخنوقين منى" الدكتور للممرضة "بسرعة المريض اللى بعده"
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مجموعة في مستشفي المجانين قرروا الهروب فالزعيم بتاعهم قال لهم الخطة بسيطة، ناخد معانا سلم عشان لو لقينا السور عالي نطلع السلم، و لو لقيناه واطي ننط من فوقه. فلما وصلوا لقوا ان المستشفي من غير سور قالهم ياللا نرجع الخطة فشلت!

،ـــــــــــــــــــــــــــــــــــــــــــــــــ ــــــــــــــــــــــــــــــــــــــ
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا
هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

ــــــــــــــــــــــــــــــــــــــــــــــــــ ــــــــــــــــــــــــــــــــــ
مره واحد عنده مزرعه فراخ وكانت فشله جدا راح لمهندس زراعى قاله انا مش عارف ازرع الفراخ قاله ليه قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش المهندس قاله هات عينه من الارض
ــــــــــــــــــــــــــــــــــــــــــــــــــ ــــــــــــــــــــــــــــــــــــ
مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح قبل ان يراه ابوك"

ــــــــــــــــــــــــــــــــــــــــــــــــــ ـــــــــــــــــــــــــــــــــــــ
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس واليانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه

ــــــــــــــــــــــــــــــــــــــــــــــــــ ــــــــــــــــــــــــــــــــــــــ
بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعد عدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع

ــــــــــــــــــــــــــــــــــــــــــــــــــ ــــــــــــــــــــــــــــــــــــــ
واحد غبي ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا

--------------------------------------------------------------------
محشش .... سألوه ايه اصعب حاجة في الدنيا ؟؟ قالهم : اني أحدد السكسوكة وانا بآكل لبانة

---------------------------------------------------------------------
واحد بخيل عنده 4 اولاد ..... جاب لهم حته لحمة ، وقال لهم: كل واحد يمضغها ويديها للي جانبه

----------------------------------------------------------------------
واحد حب يوقف اتوبيس لكنه ماوقفش ... فجرى وراه لحد ما وصل البيت فقال لمراته افرحى النهارده انا وفرت 10قروش .... فقالت له يا خيبتك مش كنت تجرى ورا تاكسى كنت وفرت تلاته جنيه

-------------------------------------------------------------------
واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني

---------------------------------------------------------------------
مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها

--------------------------------------------------------------------
مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!

--------------------------------------------------------------------
واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و

----------------------------------------------------------------------
سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح
-------------------------------------------------------------------
مرة واحدة ست قالت لإبنها :خد الفلوس دى وروح هاتلى دواء يصغرنى عشرين سنة فراح الولد يحيب لها الدواء ورجعا إداها الدواء .. و راح المدرسة....... رجع الولد لقى والدته صغرة عشرين سنة قال لها: إنت صغرتى قوى يا ماما ، بس إيه العيل اللى فى إيدك دة قالت له:إسكت يا واد مش أبوك شرب العلبة كلها

--------------------------------------------------------------------
واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟
--------------------------------------------------------------------
فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم

--------------------------------------------------------------------
واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك
ــــــــــــــــــــــــــ

الفوزير في حلو وفي وحش بس النكت كله حلوة Embarassed

- ما هو وجه الشبه بين الغسالة و التلفزيون؟ … ا
لاثنين بيشتغلوا بأريال
مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا
هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

--------------------------------------------------------------------
واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟

هههههههههههههههههههههههههههههههههههههههههههههههههههههههههه
بجد حلوين جدا
ويموتو من الضحك
عاوزين تاني تاني تاني تاني

حلوه اوى بتاعت الى عايز يعمل ابنه الانجليزى بس ياخساره مش عرف يعلمه علم الى اتجوزها ده يدل على عمق اللغه الصعيديه

ههههههههههههههههههه

مش مخ صعيدي بقى
وده كمان يدل على التمسك بلغه الاجداد

مش هتقدر تغمض عنيك Aristocats-Comment-thanks

» صور مضحكه مش هتقدر تغمض عنيك