درس واتعلمته

موضوع: درس واتعلمته الأحد أكتوبر 11, 2009 3:15 pm

السلام عليكم ورحمة الله وبركاته

درس واتعلمته

موضوع كلنا ان شاء الله نشارك فيه... موضوع بيكم يتجدد

كل واحد مننا اكيد في حياته بتعدي عليه مواقف يتعلم منها حاجة
يطلع منها بدرس
ساعات بيكون درس قاسي

وساعات بيكون درس مفيد اوي في حياته

حكمة كان سمعها اتأكدت له

او حكمة خرج بيها هو من الموقف

طيب ما تيجوا نتشارك الخبرات
وكل واحد يقول علي درس واتعلمه
يمكن في يوم يفيد غيره

في انتظار مشاركاتكم
وجزاكم الله خيرا

الدنيا مدرسه دروسها التجارب
لكن في مدرسه الحياه بنختبر وبعدين بنتعلم

انا اتعلمت اني اتحكم كويس قوي في عواطفي واني ما اندفعش ورى قلبي لانو ديما بيضيعني

وانتي يا شوشو اتعلمتي ايه ؟

انا اتعلمت ان الي يساعد الناس ويحبهم ويقف معاهم في وقت الزنقه والمشاكل
اكيد هيجيلو يوم وهيلاقي الناس كلها حواليه وربنا هيحبه ويحبب فيه خلقو
وكمان ربنا بيرزقو من وسع وبيديلو الي هوه عاوزو
ما دام انو مخلص النيه لله
وربنا يوفق الجميع الى ما يحبه ويرضاه